Меморијалниот турнир во мал фудбал „Алмир Ибески – Алмо 2026“ во прилепско Дебреште продолжува со нови возбудувања.
По пет одиграни натпревари во синоќешната програма, вечерва следуваат уште четири интересни пресметки во рамки на турнирот.
Синоќешната вечер донесе ефикасен мал фудбал и вкупно 23 погодоци. Могила со 5-2 славеше над Бел Бор Еџо, а потоа беше уште поубедлива и против Б.У, совладувајќи го со 6-1.
Во останатите натпревари, Фасада Цајник со 2-1 беше подобра од Евро Анче Пласница, додека во драматичен дуел одигра 2-2 со Пилана Жарко, која по изведувањето пенали славеше со 1-0. Во последниот меч од синоќешната програма, Пилана Жарко со убедливи 4-0 ја совлада Евро Анче Пласница.
Вечерва програмата стартува од 19:30 часот, кога Саздево ќе се соочи со Еко Бау Зитоше. Половина час подоцна, од 20:00 часот, следува дуелот меѓу Пилана Жарко и Мега Маркет Јасарови.
Од 20:30 часот на терен ќе истрчаат Чернилиште и АТЦ АММО Самоков, додека вечерта ќе биде затворена со натпреварот Дунаф Голд – Пикси Бојс, кој е закажан за 21:00 часот.
Турнирот и годинава го собира вниманието на љубителите на малиот фудбал од Дебреште и околината, а натпреварите носат одлична атмосфера, голем број голови и неизвесни пресметки.
Спортска Мрежа и годинава е медиумски покровител на Меморијалниот турнир „Алмир Ибески – Алмо 2026“, со што продолжува поддршката за овој спортски настан.
