Суперлигашот Ѓорче Петров 2 ги започна подготовките за новата сезона со високи амбиции за што потврда се квалитетните засилувања кои беа промовирани во изминатиот период.
Младите „лавици“ се изборија за влез во елитното друштво совладувајќи го Пелистер во бараж меч кој се одигра во Радовиш, откако заврши на второто место во Првата лига.
Старо-новиот суперлигаш создаде квалитет ростер, а тимот под водство на Милева Велкова ќе цели кон што повисок пласман во елитата.
Клубот од Скопје успеа да ги обезбеди потписи на неколку искусни ракометарки што значително се подига квалитетот – најдобриот стрелец Марија Анчева, искусната интернационалка Савица Мркиќ Стојанов, како и Ангела Цветановска.
Клубот на голманската позиција ќе ги има Софи Гошевска, Дарија Наумоска и Сара Илиоска, во тимот ќе бидат Антонела Ѓероска, Миа Маринчов, Марија Димоска, Бојана Георгиевска, Меланија Јовановска, Jана Петровска, Михаела Димитриевска, Ева Ѓорѓиевска, дресот на Ѓорче Петров 2 во сезона 2026/2027 ќе го носат и Мирјана Наумоска, Симона Блажеска, Тара Аврамоска, Бојана Паловска, Сара Ристовска, како и Теодора Спасоевска.
