Со извлекувањето на ждребот официјално беа познати групите за 33. издание на традиционалниот турнир во мал фудбал „Јосифовско лето 2026“, кој и ова лето ќе ги собере најдобрите екипи од сите краеви на Македонија. Турнирот со години важи за еден од најквалитетните и најпосетените во земјава, а интересот и годинава е огромен.
На турнирот ќе настапат 25 екипи, распределени во осум групи. Според пропозициите, првопласираните екипи од секоја група директно ќе обезбедат место во осминафиналето, додека второпласираните и третопласираните состави ќе играат бараж натпревари за преостанатите места во нокаут-фазата.
- Ждребот ги донесе следните групи:
Група А: Црна Река – Возарци, Речо Аби – Калково и Мото Шпед Транспорт – Удово.
Група Б: Вила Клепало – Берово, Мал Ајакс – Штип и ВИМ Транс – Јосифово.
Група В: Украс Инг – Неготино, Barber Shop Marshall – Велес и Флорида – Валандово.
Група Г: Freight One – Радовиш, Зока Трејд – Неготино и КЕЛН – Миравци.
Група Д: Дивино – Босилово, Миравци и Маркет Нанчев – Негорци.
Група Ѓ: Еклер Транс – Пепелиште, Шутка 1 – Скопје и ФК Партизан.
Група Е: Алупласт Васил – Јосифово, ИТС Логистик – Струмица, MILD Home Store – Струмица и Црвена Ѕвезда – Јосифово.
Група Ж: Васфил Сонце Нова Маала – Струмица, Кафе Бар Проект – Јосифово и Екстра Комерц – Гевгелија.
Стартот на турнирот е закажан за понеделник, 3 август, кога ќе започнат возбудувањата на теренот, а љубителите на малиот фудбал повторно ќе имаат можност да уживаат во квалитетни натпревари и неизвесна борба за трофејот.
Спортска Мрежа и оваа година со гордост ќе биде медиумски покровител на турнирот „Јосифовско лето 2026“, носејќи ги сите најважни информации, резултати, фотографии и видеа од еден од најголемите летни спортски настани во Македонија.
