Еден од фудбалерите со најдолг стаж во Осогово, Драган Паунов се раздели со „жетварите“, со што 35-годишниот фудбалер ќе бара нова средина каде да ја продолжи кариерата.
Паунов во објава на социјалните мрежи истакна дека секогаш играл со срце за Осогово, притоа надополнувајќи дека матичен клуб може да биде еден.
„Дојде денот кога после една голема фудбалска ера со мојот матичен клуб се разделувам. Клуб што ми одзел повеќе отколку што ми дал. Но, секогаш сум играл со срце за него. Матичен клуб може да биде еден, овој текст го пишувам за мал број вистински поддржувачи што беа во клубот и во добро и во лошо. Да се заблагодарам на поддршката. Осогово ќе биде секогаш во моето срце. Аванти Осогово до некое подобро следно видување“, вели Драган Паунов со објава на социјалните мрежи.
Низ кариерата Паунов покрај за Осогово, настапуваше и за Слога од Виница, Каменица Саса, Гостивар и струмичка Тиверија.
Останува да видиме што ќе реши Паунов за следната сезона.
