Вечерва се дознаа противниците за полуфиналето на Меморијалниот турнир во мал фудбал „Влатко Петров 2026“ каде тимот на Украс ИНК со убедливи 5:1 го декласираше тимот на Благица & Китчен.
Вториот меч беше доста возбудлив каде во регуларниот дел Тобис Агро и КМФ Кратово одиграа 6:6, а во пенал серијата тимот на Кратово се извлече на пенали со резултат од 0:2.
Во третиот и четвртиот меч беа постигнати високи победи. Техногума Мела ренг доживеа тежок пораз откако загуби од Компанија Атанасовски со 1:8, а пак Перо и Тајфата со 4:8 го исфрли тимот на Каров Шпед Шкорпиони.
Утре ќе се играат полуфиналните мечеви, а место обезбедија Украс ИНК, КМФ Кратово, Компанија Атанасовски и тимот на Перо и Тајфата.
20:00 Украс Инк – Перо и Tајфата
22:00 Компанија Атанасови – КМФ Кратово
Спортска Мрежа и годинава е медиумски покровител на овој спортски настан, а нашата соработка е воспоставена уште од 2022 година.
