Второлигашот Охрид го потврди трансферот на Дамјан Масевски, трансфер кој ексклузивно го најави Спортска Мрежа пред неколку дена.
Голгетерот Масевски во таборот на „рибарите“ доаѓа од редовите на Брегалница, каде настапуваше изминатата сезона, а со „сините“ од Штип обезбеди пласман во Прва лига.
Масевски низ својата кариера покрај за Брегалница, настапуваше и за Кадино, Тетекс, Силекс, Пелистер и Детонит Плачковица, а меѓу „рибарите“ е повратник, бидејќи и во минатото настапуваше во дресот на Охрид.
„Станува збор за борбен и амбициозен напаѓач кој секогаш го дава својот максимум на теренот. Веруваме дека со својот квалитет, желба за докажување и професионален однос ќе претставува значајно засилување за нашиот тим и ќе придонесе во остварувањето на клупските цели во претстојната сезона“, велат од клубот.
Охрид новата сезона ја отвара на домашен терен против екипата на Новаци.
