Второлигашот Беласица од Струмица договори пет пријателски натпревари за проверка на формата, од кои два ќе биде меѓународни против екипи од Бугарија.
Првиот контролен натпревар е договорен за 18 јули против Септември Симитли, на 24 јули ќе следува тест со Беласица од Петрич.
За 29 јули е договорен контролен натпревар против Кожуф од Гевгелија. На 1 август ќе биде тестот со Детонит Плачковица, а пак „генералката“ ќе биде против Работники на 8 август.
Преку овие контролки новиот шеф на стручниот штаб Мартин Алаѓозовски ќе има можност да провери како оди подигањето на формата за новата сезона.
