Еурофарм Пелистер 2 продолжува со комплетирањето на играчкиот ростер за новата сезона во Супер лигата, а најново засилување на битолскиот состав е Александар Стојков.
Стојков, кој настапува на позициите десно крило и десен бек, ќе биде нов адут на тренерот Ангеловски во претстојниот шампионат. Со своето искуство стекнато во домашното првенство се очекува да придонесе за поголема конкуренција и квалитет во тимот.
Во досегашната кариера новиот ракометар на Еурофарм Пелистер 2 го носеше дресот на КЛ7, Алкалоид, Струга и Куманово, а сега својата кариера ја продолжува во Битола.
Со ангажманот на Стојков, Еурофарм Пелистер 2 прави уште еден чекор кон финализирањето на составот за новата сезона, во која клубот ќе се обиде да ги исполни своите натпреварувачки амбиции.
Од клубот му посакаа топло добредојде на Александар Стојков и многу успешни настапи во зелено-белиот дрес.
