Вечерва се играат полуфиналните натпревари на турнирот во мал фудбал „Конче 2026“, кои носат повеќе од неверојатна фудбалска магија на теренот кај ООУ „Гоце Делчев“.
Во 21:15 часот стартува првиот возбудлив меч меѓу Црна Река и Перо и Тајфата, две силни екипи кои меѓусебно ќе ги одмерат силите како последен филтер за пласман во големото финале.
Еден час подоцна односно во 22:15 часот следува мега спектакл финале пред финале меѓу Фреигхт Оне и Дивино, радовишани против популарните „пици“ од Босилово.
Публиката ќе може да проследи натпревари кои ќе бидат повеќе „жешки“, каде секоја грешка ќе значи борба само за трето место, а триумф значи „билет“ за финале.
Овие два натпревари ќе можете да ги следите во живо на Спортска Мрежа, како медиумски покровител преку пренос на YouTube каналот на Спортска Мрежа.
Претходно, на програмата ќе бидат два натпревари во младински категории. Од 20 часот Серта 1 против Бирлик 1 во пионерска конкуренција, а пак од 20:30 е мечот меѓу Кристофер Кишнер против Резиденција Милеви финале во кадетска конкуренција.
