Второлигашот Новаци ги започна подготовките за новата натпреварувачка сезона во Втората македонска фудбалска лига, а стручниот штаб веќе го договори планот на контролни натпревари преку кои ќе се темпира формата на екипата.
Избраниците на шефот на стручниот штаб Иван Варадиновски ќе имаат четири тест-средби во подготвителниот период, со цел тимот што подобро да се подготви за предизвиците во новиот шампионат.
Првиот контролен натпревар Новаци ќе го одигра на 18 јули против Охрид, додека една недела подоцна, на 25 јули, следува дуел против Кожуф од Гевгелија.
На 31 јули е закажан натпревар против младинскиот состав на Пелистер, а генералната проба пред почетокот на сезоната ќе биде на 8 август против градскиот ривал Пелистер.
Преку овие проверки тренерот Варадиновски ќе има можност да ја анализира формата на фудбалерите, да ги уигра линиите во тимот и да го подготви составот за новата сезона во Втората македонска фудбалска лига, која започнува на 15 август.
