Дебитантот во Втората македонска фудбалска лига, екипата на Камјани се засили со Веби Ислами, кој доаѓа како позајмен фудбалер од редовите на прволигашот Струга Трим Лум.
Минатата сезона Ислами настапуваше како позајмен фудбалер во редовите на Кожуф од Гевгелија, а во сезона 2026/2027 ќе го носи дресот на Камјани.
Ислами кариерата ја започна во тетовска Шкендија, а потоа премина во редовите на Струга Трим Лум, од каде минатата сезона настапуваше како позајмен играч во второлигашот од Гевгелија.
Од новиот второлигаш посочуваат дека овој трансфер е уште еден доказ за амбициите да се изгради конкурентен тим, кој достоинствено ќе го претставува клубот во Втора лига.
Инаку, новата сезона во ВМФЛ стартува на 15 август, а во рамки на првото воведно коло Камјани ќе гостува во Битола кај ланскиот прволигаш Пелистер.
