Турнирот во мал фудбал во Конче продолжува со нова возбудлива вечер, во која на програмата се натпревари од осминафиналната и четвртфиналната фаза.
Програмата започнува во 20:00 часот со дуелот меѓу Украс Инг и Мастер Мустафа Бербер, а еден час подоцна силите ќе ги одмерат Фурна Марфи и Дивино.
По комплетирањето на осминафиналните пресметки, следуваат и два четвртфинални натпревари. Од 22:00 часот Фреитх Оне ќе се сретне со победникот од дуелот Украс Инг – Мастер Мустафа Бербер, додека од 23:00 часот Перфект Дизајн и Еуродом Проект ќе игра против победникот од натпреварот меѓу Дивино и Фурна Марфи.
Организаторите ги повикуваат љубителите на малиот фудбал повторно да бидат дел од атмосферата во Конче, каде покрај квалитетните и неизвесни натпревари ќе можат да уживаат во вкусна скара, ладно пиво и палачинки.
Организаторите најавуваат дека првите два натпревари ќе бидат само вовед во вистинскиот спектакл кој ќе следува во четвртфиналето, со очекување трибините повторно да бидат исполнети и навивањето да помине во духот на фер-плејот.
Спортска Мрежа и оваа година е медиумски покровител на турнирот во мал фудбал во Конче и ќе продолжи да ги следи сите случувања, резултати и најинтересни моменти од ова традиционално спортско натпреварување.
