На првото издание од Охрид Куп свое учество ќе земе и фудбалскиот клуб Марадона од Штип, кој на турнирот покрај Охридското Езеро доаѓа до три генерации.
Се работи за фудбалски клуб кој е основан во 2019 година и претставува најголемото фудбалско семејство во градот под Исарот, а клубот располага и со сопствен фудбалски терен во населба Баби.
Во клубот работат четири лиценцирани тренери – Дарко Митев, Јордан Смилески, Дарко Николов и Марио Митев. ФК Марадона е вистински фудбалски расадник на таленти од Штип и околината, со повеќе од 150 деца од генерации 2014 до 2020.
