Екипата на Чардак е нов член на Трета лига – Југозапад, откако денес на главниот стадион на СРЦ „Билјанини Извори“ во Охрид славеше минимална, но голема победа од 1:0 против Воска во финалниот натпревар од Општинската фудбалска лига на ФС Охрид.
Стрелец на единствениот погодок на натпреварот беше Мики Стефаноски, кој со својот гол го реши победникот и донесе огромна радост за тимот на Чардак.
Финалниот натпревар понуди неизвесна борба, многу шанси на двете страни и возбудлив фудбал.
Со овој триумф, Чардак обезбеди пласман во Трета лига – Југозапад за следната сезона и ќе има можност да се натпреварува во повисок ранг на македонскиот фудбал.
Натпреварот беше организиран на врвно ниво од страна на ФС Охрид. Инаку, во регуларниот дел на врвот од табелата заврши ГФК Пирамида, а пак во финалниот меч Чардак беше подобар од тимот на Воска.
