Фудбалската федерација на Македонија ја информира јавноста дека е раскинат договорот со Љупчо Трајковски, кој беше ангажиран во повеќе улоги во рамки на федерацијата.
Трајковски во моментот ја извршуваше функцијата спортски директор на ФК Тиквеш, а воедно беше дел од Спортската академија на ФФМ како тренер на генерацијата 2011, како и асистент на селекторот Горан Станковски во репрезентацијата до 15 години.
Од ФФМ упатија благодарност за неговиот досегашен ангажман и придонес во развојот на младите фудбалери, посакувајќи му многу успех во понатамошната кариера.
