ФФМ потврди: Ванче Шиков повеќе не е дел од националниот тим

Фудбалската федерација на Македонија соопшти дека Ванче Шиков повеќе не е дел од стручниот штаб на А репрезентацијата.

Соработката помеѓу двете страни е завршена, а селекторот Гоце Седлоски во наредниот период ќе треба да одлучи кој ќе го заземе неговото место во стручниот тим.

Од ФФМ изразија благодарност до Шиков за неговиот ангажман и придонес во работата со националниот тим, посакувајќи му многу успех во понатамошната кариера.