В недела се играат натпреварите од 10. коло во Општинската фудбалска лига, а вниманието го привлекуваат дуелите меѓу Спартмани и Дрвош, како и гостувањето на Огражден кај Слога во Злеово.
Тимот на Спартмани од Балдовци ќе се обиде да ја прекине негативната серија од два пролетни порази, со кои го загуби лидерското место. На домашен терен против Дрвош, Спартмани ќе атакува на првиот пролетен триумф и враќање на победничките патеки.
Огражден, пак, иако во солидна форма, ќе има сериозен предизвик. Екипата од Ново Село гостува во Злеово кај Слога, која во пролетниот дел има учинок од реми и победа и ќе се обиде да ја искористи предноста на домашниот терен.
Во Пиперово, Единство ќе ја бара својата втора победа сезонава во десеттиот натпревар, против Илинден од Добрејци. Гостите, пак, ќе се обидат да стигнат до петтата сезонска победа и евентуален напредок на табелата.
Лидерот Интер Кукла го очекува гостување кај последнопласираниот Напредок во Радово. Тимот од Куклиш важи за апсолутен фаворит и доколку ја оправда таа улога, ќе го забележи седмиот триумф и ќе го задржи врвот на табелата.

Сите натпревари од ова коло ќе се одиграат в недела со почеток од 16:00 часот.
Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.
По долги години пауза, радовишкиот фудбал повторно ќе добие локално дерби! Утре, во рамките на шестото коло од Општинската фудбалска лига – Струмица,...
Десеттото коло во македонската ракометна Супер лига донесе различни сценарија на три терени – убедлива победа на Прилеп, драматичен триумф на Бутел Скопје...
По долги години пауза, радовишкиот фудбал повторно ќе добие локално дерби! Утре,...
Поранешниот селектор на македонската фудбалска репрезентација, Игор Ангеловски – Мрме, заедно со...
Охрид влегува во последните две редовни есенски кола како лидер и најсериозен...
Одредени паровите за полуфиналето во Купот на Македонија во женска конкуренција, кој...