Фудбалската репрезентација до 15 години го забележа првиот пораз на Турнирот на нации што се одржува во Италија.
По стартната победа во дуелот со Молдавија, избраниците на селекторот Горан Станковски доживеаа пораз од 2:1 во соочувањето со Велс.
Противникот двата гола ги постигна во првиот дел, а единствениот погодок за Македонија беше дело на Велшкиот репрезентативец, Ануадике кој во 61. минута ја погоди сопствената мрежа.
Во последното коло Македонија за противник ја има селекцијата на Шкотска, а почетокот на натпреварот е закажан за 11 часот.
