Од шест меча на 5. коло на Трета лига регион 3, се одиграа четири меча.
Како што веќе објави Спортска Мрежа, мечот во Македонска Каменица не се одигра бидејќи Тиверија не се појави на теренот, па Саса добива службени три бода.
Во Валандово мечот меѓу Победа и Малеш од Берово не се одигра, домаќинот поради причини кои не беа јавно споделени во нивното соопштение добие одложување на мечот.
Никола Тасев во 88. минута беше херој за Огражден откако славеше со минимални 1:0 над Ударник од Пирава, со што тимот од Ново Село изби на врвот од табелата.
Овче Поле преку пресврт славеше над Брегалница во Делчево со 1:4. Домаќинот преку гол на Марио Атанасовски го отвори резултатот, а потоа “овчарите” двојниот стрелец Тоше Манов и погодоците на Давид Велковски и Матеј Славевски стигна до победа.
Нов пораз за Карбинци кој загуби со 4:1 од Хоризонт Турново во Струмица. Стрелци беа Александар и Мартин Шутевски за двојна предност на полувреме. Во вториот дел Стојанчо Иванов и Никола Божинов ја потврдија високата победа. За гостинот утешен гол постигна Стојан Коцев.
Дојранско Езеро и Слога Виница ги поделија бодовите играјќи 2:2. Ристо Миленковиќ и Лазар Дучков стрелаа за домашниот тим, за гостинот во вториот дел Ненад Иванов и Филип Данев во 90. минута за бод за ланскиот второлигаш.
