Кадетскиот тим на Струмица 47&72 продолжува со одличните настапи во конкуренцијата до 17 години, откако успешно ја одбрани шампионската титула. Во финалето на завршниот турнир, кој се одржа во Штип, струмичани убедливо славеа над Весна Пробиштип со 3:0 (25:15, 25:19, 25:15).
Во борбата за третото место, уште една екипа од Струмица – Македонија Џио – беше сигурна и со максимални 3:0 (25:14, 25:15, 25:15) го совлада ГОК Борец од Велес.
Со ова, Струмица 47&72 уште еднаш потврди дека е доминантна сила во кадетската конкуренција, додека Македонија Џио го заокружи успешниот настап на струмичките клубови со освоено трето место.
ФИНАЛЕН ТУРНИР – КАДЕТИ
Натпревар за 3. место:
Македонија Џио – ГОК Борец 3:0 (25:14, 25:15, 25:15)
Финале:
Струмица 47&72 – Весна Пробиштип 3:0 (25:15, 25:19, 25:15)
Конечен пласман:
- Струмица 47&72
- Весна Пробиштип
- Македонија Џио
- ГОК Борец
