Екипата на Газели Волеј се закити со шампионската титула во женска младинска конкуренција, откако на завршниот турнир одигран во СЦ „Форца“ во Скопје во финалето славеше над градскиот ривал Фит Фан Волеј со 3:1 (22:25, 25:16, 25:10, 25:16).
„Газелите“ до титулата стигнаа по голем пресврт. Натпреварот го отворија во грч, што Фит Фан Волеј го искористи и го доби првиот сет со 25:22. Сепак, во продолжението Газели Волеј ги консолидира редовите, заигра многу посигурно и поконцентрирано, како во одбраната така и на мрежата, и со доминантна игра направи целосен пресврт за конечна победа и шампионски пехар.
На патот до финалето, Газели Волеј во полуфиналето со 2:0 (25:17, 25:17) го елиминираше бранителот на титулата Јанта Волеј КВ, додека Фит Фан Волеј беше поуспешен од Наковски Волеј со 2:0 (25:19, 25:22).
Во натпреварот за третото место, Јанта Волеј КВ го совлада Наковски Волеј со 2:0 (25:14, 25:15).
ФИНАЛЕН ТУРНИР МЛАДИНКИ
ПОЛУФИНАЛЕ
Газели Волеј – Јанта Волеј КВ 2:0 (25:17, 25:17)
Фит Фан Волеј – Наковски Волеј 2:0 (25:19, 25:22)
Натпревар за 3 МЕСТО
Јанта Волеј КВ – Наковски Волеј 2:0 (25:14, 25:15)
ФИНАЛЕ
Газели Волеј – Фит Фан Волеј 3:1 (22:25, 25:16, 25:10, 25:16)
КОНЕЧЕН ПЛАСМАН
1.Газели Волеј
2. Фит Фан Волеј
3. Јанта Волеј КВ
4. Наковски Волеј
