По европскиот предизвик против Целје, ракометарите на ГРК Охрид се насочуваат кон нов натпревар во плеј-офот, овојпат против тимот на Бутел.
Густиот распоред не остава многу простор за одмор, но во таборот на Охрид владее јасна цел – продолжување на победничката серија. Добрата анализа на противникот и стабилната форма се адутите со кои ќе влезат во овој дуел.
Од таборот на Охрид, Дејан Кукуловски го најави мечот и потенцира дека и покрај краткото време за подготовка, тимот добро го познава противникот и со дисциплинирана игра во двата правци може да стигне до нов триумф.
„По натпреварот со Целје, ни следува натпреварот со екипата на Бутел. Немаме многу време за подготовка поради густиот распоред но веќе доволно добро ја познаваме екипата на Бутел и со една дисциплинирана игра како во напад така и во одбрана верувам дека ќе успееме да забележиме уште една победа и да продолжиме кон остварување на нашите цели.“-изјави Кукуловски.
Натпреварот меѓу ГРК Охрид и РК Бутел се игра во вторник (28 април) во СРЦ „Билјанини извори“ со почеток од 18:00 часот, каде охриѓани ќе атакуваат на нови бодови во плеј-офот.
За неколку дена, односно во сабота (02.05), пак, охриѓани го играат реваншот од ЕХФ Европскиот Куп на домашен терен, по кој ќе дознаеме дали ќе се изборат за историско европско финале.
