Екипата на Енхалон од Струга не допатува во Штип со цел да го одигра натпреварот од 7. коло против Мал Ајакс, со што штипјани службен го добиваат овој натпревар.
Победа и Конзули одиграа ефикасно пелагониско дерби од аспект на погодоци, вкупно 13 погодоци за триумф на Победа од 7:6.
Никола Трајкоски постигна четири погодоци, Нермин Каришик беше двоен стрелец, а првиот гол беше дело на Кристи Крајоски. За битолскиот тим двојни стрелци беа Гелевски и Гиновски, а по еден гол постигнаа Тасевски и Крцоски.
Кораби се сопна на домашен терен одигра 3:3 против Каршиака и мораше да ги подели бодовите.
Блажевски Точи и Беќири беа стрелци за домашнио тим, а пак за гостинот погодија Мемди, Идризовски и Емини.
Кратово го шокираше Овче Поле од Свети Николе откако на домашен терен го „тресна“ со високи и убедливи 6:2. Ивановски и Ефремов беа двојни стрелци за домашниот тим во високата победа, а пак Арсовски и Јакимов постигнаа по еден гол. За гостинот од Свети Николе стрелци беа Бојковски и Благоевски.
Како што претходно информираше Спортска Мрежа, Партизан Југ во Брвеница го доби тетовски СЕЕ Университи со 6:5, а пак Карадаку загуби од Балкан со 3:7.
