Утре со два натпревари ќе биде затворено 29. коло на Првата македонска фудбалска лига, а за истите веќе се познати и судиите кои ќе ја делат правдата.
Во Тетово ќе се соочат Шкендија и Башкими, Фатмир Бафто ќе ја дели правдата како главен арбитар, а ќе му асистираат Мишо Ѓорѓиески и Владимир Митревски, додека пак четврт судија е Благојче Ралевски.
ВАР судија е Влатко Илиоски, додека пак АВАР судија е Борис Трајков, оператор за повторување на снимката е Виктор Васев.
Делегат на мечот кој стартува во 16 часот е Славе Ѓоргоски, а контролор е Димитар Мечкаровски.
Струга Трим Лум на домашен терен ќе игра против Силекс, а правдата ќе ја дели Стојанче Трпчевски, а негови помошници ќе бидат Драган Трпчевски и Душко Панов, а пак четврт судија е Боби Величков.
Во ВАР собата ќе бидат Пларент Салихи и Фуркан Идризи, додека пак оператор за повторување на снимката е Жарко Пејковски.
Делегат на мечот кој стартува во 13 часот е Ангел Ташев, а контролор е Јосип Бартон.
