Првиот ден од Европското првенство 2026 во Крит, Грција донесе настапи на македонските репрезентативки Миа Танеска и Христијана Парулеска во дисциплината форми (борба со замислен противник).
Младата Миа Танеска се натпреваруваше во категоријата 11–13 години девојчиња – црвен појас, каде што го заврши настапот во осминафиналето, откако беше елиминирана од претставничка на бугарската репрезентација.
Одличен впечаток остави Христијана Парулеска, која настапи во категоријата 16–17 години јуниорки – црн појас I дан. Таа најпрво во 1/16 финалето ја совлада натпреварувачката од Германија, а потоа во осминафиналето беше подобра и од претставничка на Гренланд. Парулеска застана во четвртфиналето, каде во борбата за медал беше поразена од претставничката на Русија, која подоцна стигна до финалето и ја освои европската титула.
Возбудувањата продолжуваат и денес (22.04.2026), кога Македонија ќе има нови настапи. Теодора Митреска ќе се натпреварува во форми во сениорска конкуренција (18–34 години – црн појас I дан), додека Миа Танеска ќе излезе и во дисциплината борби, во категоријата 11–13 години девојчиња над 55 килограми.
Од Македонската традиционална таеквон-до федерација упатија поддршка и им посакаа многу успех на своите натпреварувачки во продолжението од шампионатот.
