Лидерот во Трета лига – Север, Еуромилк ГЛ забележа уште една победа откако во рамки на денешното вонредно 21. коло славеше над Ржаничино со резултатот од 0:3.
Сите работи беа решени уште во првиот дел кога беа постигнати сите три погодоци. Димитар Стојановски во 11. минута го отвори резултатот, а во 35. минута со втор гол зголеми на 0:2.
Само една минута подоцна Андреј Јаневски погоди и ги постави конечните 0:3, откако во вториот дел мрежите мируваа.
Утре, БВК Коњаре на домашен терен ќе ја пречека Беса Сарај, која игра во победника форма и не знае за пораз.
Аеродром на домашен терен ќе игра против Беса од Слупчане, домаќинот е фавотит за трите бодови.
Куманово како фаворит оди по цел “плен” против Лопати, Башкими Љуботен ќе игра со Пчиња, додека пак Отља ќе игра со Студеничани.
Поранешниот второлигаш Кадино на домашен терен ќе го пречека составот на Фортуна.
