Лидерот Борец стигна до уште една моќна победа откако на домашен терен со 8:0 го декласираше Ултрас во меч од 19. коло на Трета лига – Југ.
Миловановиќ имаше четири гола, а по еден Имеров, Ташески, Мирчески и Стефановски.
Трите бодови останаа во Долни Дисан откако Венец со 6:1 го совлада Млекар. Ристовски и Цветков беа двојни стрелци, а по еднаш погодија Илов и Мицев. За гостинскиот тим Пејоски постигна гол во 79. минута.
Башкими од Јаболчиште со 1:2 славеше гостинска победа на Тополка и тоа преку пресврт. Стојанов во 76. минута погоди за 1:0, а потоа Арифов и Лазами погодија за 1:2.
Питу Гули во Крушево се враќа со три бодови откако во гости го доби Бучин со 1:3. Србиноски беше единствен стрелец за домашниот тим, а за гостинот Бубаќоски погоди двапати, а еднаш погоди Пажиќ.
Превалец со погодоците на Чоков и Спиридонов го доби Росоман во гости со 0:2.
На врвот е Борец со 49 бодови, втор е Превалец со 43 бодови и меч помалку.
