Колото беше отворено вчера, а на воведниот меч Аеродром со 1:2 славеше кај Ржаничино. За домашниот тим единствен стрелец беше Огнен Здравковски, а за гостинот двоен стрелец беше Мартин Атанасовски, во рамки на 18. коло на Трета лига – Север.
Реми без голови на Куманово и Кадино (0:0), Беса од Слупчане со 4:3 го доби тимот на Отља. Фетаи и Илази беа двојни стрелци за домашниот тим, а за гостинот Реџепи погоди двапати, а еднаш Нуредини.
Лото победа за лидерот Еуромилк ГЛ кој со 7:0 го доби Башкими Љуботен. Голгетерот Орхан Мифтар постигна три гола, два гола беа дело на Хусеин Демири, а по еднаш Бакијов и Стојановски.
Убедлива победа за Беса од Сарај која продолжува со победничката форма, овој пат триумф од 4:1 над Студеничани благодарение на Амар Мустафа кој ги постигнат сите четири гола. За гостинот Неџати шабани беше единствен стрелец.
Натпреварот меѓу БВК Коњаре и Лопати не се одигра, откако гостинот не се појави на терен по чекање од 30 минути. Ова ќе биде службена победа и службени три бода за БВК Коњаре.
Пчиња славеше убедлива победа од 5:0 над Фортуна, а сите погодоци беа постигна во првиот дел. Александар Божинов ја отвори голеадата, а потоа четири погодоци постигна Немање Нешевски.
