Дисциплинската комисија при ФФМ донесе одлуки за поведување дисциплински постапки против ФК Башкими и две официјални лица, како и за изрекување дисциплински казни за фудбалери и тренери од домашните натпреварувања.
Дисциплински постапки се поведени против ФК Башкими поради слаба организација на натпреварот од 9. коло во Првата македонска фудбалска лига против Струга Трим Лум.
Постапка е поведена и против тренерот на Башкими, Муарем Муарем, поради неовластено присуство во техничката зона за време на истиот натпревар. Дурим Хида, пак, ќе се соочи со дисциплинска постапка поради попречување на официјалните претставници на гостинската екипа при влезот во службените простории.
Покрај поведувањето на дисциплинските постапки, Комисијата изрече и казни за неколку фудбалери и официјални лица.
Ендрит Рустеми од Шкупи, Стефан Бабунски од Детонит, Трајче Ников од Кожуф и Христијан Торнески од Новаци добија забрана за настап на по еден натпревар.
Построги санкции се изречени за претставниците на Охрид. Тренерот Ромео Кочоски доби забрана за вршење функција во траење од еден месец, додека Валентин Кочоски е суспендиран на два натпревари.
