Футсал репрезентацијата на Македонија од денеска ги започнува подготовките за настап во првата фаза од квалификациите за пласман на Светското првенство.
Селекторот на националниот тим, Газменд Хисејини, за мини-подготовките пред заминувањето за Литванија ќе има на располагање 15 играчи, кои се најдоа на неговиот список:
- Петровски Антонио
- Стојановски Иван
- Благојевски Марио
- Јасир Зекири
- Рамадани Берат
- Рамадан Јакуп
- Еркан Сефери
- Јанев Бојан
- Исмаил Таулант
- Јанев Димитар
- Крстевски Иван
- Садат Зибери
- Тони Киревски
- Игор Леовски
- Давид Ристoвски
Избраниците на Хисејини ќе тренираат во Скопје до 7 април, по што следува заминување за Литванија, каде во периодот од 9 до 12 април ќе одиграат три натпревари.
Македонија првиот натпревар го игра на 9 април против Бугарија со почеток од 16:30 часот. Веќе следниот ден, во истиот термин, ќе се соочи со Турција, додека на 12 април ќе ги одмери силите со домаќинот Литванија, во меч што започнува од 17:30 часот.
Сите натпревари ќе се одиграат во Друшкининкаи, град оддалечен околу 130 километри од главниот град Вилнус.
Пласман во главната рунда од квалификациите за Светското првенство ќе обезбедат двете најдобро пласирани репрезентации од групата.
