Екипата на Брегалница славеше минимална, но злато вредна победа од 0-1 против Скопје во дербито на 23. коло од Втората лига, одиграно на стадионот во Автокоманда. Стрелец на единствениот погодок беше Никола Талески, кој донесе три големи бода за штипјани.
Со овој триумф, тимот предводен од Влатко Костов се искачи на првата позиција на табелата со 52 бодови, колку што имаат и Охрид и Шкендија Арачиново, кои исто така запишаа победи во ова коло.
Охриѓани убедливо славеа со 3-0 над Новаци извештајот од тој меч е достапен овде, додека Шкендија Арачиново триумфираше со 2-0 на домашен терен против Тетекс. Интересно е тоа што Мартин Радуловиќ-Величковиќ Мартин си постигна два автоголови.
Поразот го оттурна Скопје на четвртата позиција со 50 бодови, па битката за врвот станува сè понеизвесна и поинтересна.
Во останатите натпревари, Беласица и Осогово одиграа без голови (0-0), додека Детонит Плачковица во драматичен меч го совлада Кожуф со 3-2, освојувајќи важни бодови во борбата за директен опстанок.
Сашо Дуков го отвори резултатот за водство на радовишани од 1-0 во 38. минута, а потоа Давид Ивановски во судиското надополнување погоди за 1-1.
Во вториот дел се случи пресврт за водство на гостинот од Гевгелија преку Ангел Кочев во 59. минута. За помалку од десет минути Филип Манасиевски и Тони Мичковски погодија за пресврт и победа на Детонит Плачковица од 3:2.
Саса со пресврт славеше убедливо на гости кај Преспа (1-4). Неџми Реџепи донесе водство за домаќинот, а потоа “рударите” од Македонска Каменица преку Бурим Алиев израмнија на 1-1, а Кристијан Чурлинов, Филип Николовски и Михаил Танчев погодија за голема и важна победа.
Слога Виница запиша прв пролетен триумф од 4-2 над Победа. Михаил Воинов погоди двапати, а по еднаш Благој Николов и Христијан Ристов. За гостинот од Прилеп стрелаа Стефан Наскоски и Марио Тасески.
Колото ќе биде комплетирано утре со дуелот меѓу Големо Коњари и Вардар Неготино.
Борбата за врвот во Втората лига влегува во најинтересната фаза од сезоната.
