Ако си лидер на прволигашката табела, и ако имаш амбиција да бидеш шампион, а згора на тоа веќе си ја понел таа титула на полусезоната, тогаш секое твое излегување на терен значи и автоматско задолжително освојување на трите бода. Тоа не е лесен товар да се носи, особено не во домашниот шампионат.
Токму затоа, тимот на Вардар, лидерот на табелата, денеска како и во изминатите, 24. кола има задача да победи овој пат пред своите навивачи на Арената Тодор Проески.
Попладнево од 15:30 часот ќе го одигра градското дерби против тимот на Македонија ЃП во пресметка која што на едната страна значи продолжување на лидерскиот и можен шампионски од, додека на другата страна продолжување на евентуалниот прволигашки живот.
Натпреварот почнува од 15:30 часот, Вардар по поразот во претходната рунда, мора да се врати на победничките патеки додека фудбалерите на Македонија ЃП ќе се обидат да направат сензација и да ги зголемат шансите за опстанок во елитното фудбалско друштво.
