Фудбалерките на Истатов стигнаа до лесна рутинска победа од 0:3 над Речица во гости, во меч од 18. коло на Првата женска фудбалска лига.
Елма Шемсовиќ го отвори резултатот за водство на гостинот од 0:1, резултат со кој се замина на полувреме.
Во вториот дел Ана Нешковска во 57. минута постигна гол за двојна предност на „истатовки“, а во 73. минута Радица Чонева постигна гол за конечни 0:3.
Тимот на Истатов кој го води стратегот Кирил Изов стигна до 11-тата сезонска победа и има 35 бодови, а пак Речица со 11 бодови е осма на табелата.
