Екипата на Полет од Тремник забележа сигурна победа на гостувањето кај Вардар Бистренци со резултат од 1:3, во меч од 2. коло на Општинската фудбалска лига во Неготино.
Домаќинот прв дојде до предност уште во 9. минута со гол на Драган Спасиќ, а до крајот на првиот дел гостинот израмни преку Махмуд Шерифов на 1:1 во 27. минута.
Во вториот дел се случи комплетен пресврт во 55. минута Сами Рустемов обезбеди 1:2, а пак во 70. минута Шерифов со втор гол стави печат на победа од 1:3.
Средбата меѓу Младост од Корешница и Лозар заврши без победник откако двете екипи одиграа 1:1 и ги поделија бодовите.
Домаќинот во 27. минута преку Стојанче Богдановиќ стигна до предност од 1:0 која беше и на полувреме, а во второто полувреме Славе Јовановски ги постави конечните 1:1 во 50. минута.
Колото ќе се комплетира со мечот меѓу Напредок од Војшанци и Јанг Боис, закажан за 23 октомври.
