Денес со еден натпревар беше отворен пролетниот дел во Трета лига – Запад, откако екипата на Ренова со убедливи 3:1 славеше над Скендербеу на домашен терен, а во рамки на 12. коло.
Ери Абдулахи го отвори резултатот во 13. минута за водство на „гипсарите“ од 1:0 на полувреме. Во вториот дел Ментор Реџепи погоди за 1:1, а потоа некогашниот прволигаш од Џепчиште успеа да го врати водството откако Ерзен Ходаи погоди во 72. минута за 2:1.
Во самиот финиш од мечот Шендрит Адеми постигна гол за конечни 3:1 и славје на „гипсарите“, кои победнички го отворија пролетниот дел во Трета лига – Запад.
Првото пролетно коло ќе се комплетира утре со останатите средби.
