Кик-боксерите на Феникс Некст Левел од Росоман имаа историски настап на своето прво учество на Државно првенство, освојувајќи вкупно 19 медали и оставајќи силен впечаток на националната сцена.
Првенството се одржа викендов во спортскиот центар СЦ Јане Сандански во Скопје, а клубот настапи со 15 натпреварувачи кои покажаа високо ниво на подготвеност, дисциплина и борбен дух.
- Златни медали (10)
Стојне Тодева блесна со две титули во категориите Children Kick Light -27 кг и -30 кг, освојувајќи двојна шампионска круна (double champ).
Христос Виланос триумфираше во Senior Low Kick -51 кг.
Ребека Китанова освои злато во Kick Light -42 кг.
Трајковски Милан беше најдобар во Kick Light -21 кг.
Најдовска Ангела се закити со две злата во категориите -36 кг и +36 кг.
Богданова Јана исто така освои две први места во категориите -21 кг и -24 кг.
- Сребрени медали (5)
Николов Андреј (Kick Light +36 кг),
Китанова Ребека (Kick Light -37 кг),
Мојсов Александар (Low Kick -54 кг),
Сотирова Константина (Kick Light -24 кг),
Велков Блаже (Kick Light -28 кг).
- Бронзени медали (4)
Стојкоска Мартина (Kick Light -50 кг),
Стојкоска Павлина (Kick Light -65 кг и +65 кг),
Георгина Танчева (Kick Light -60 кг),
Сотирова Константина (Kick Light -27 кг).
Овој резултат претставува огромен успех за младите спортисти од Општина Росоман, кои на своето деби на државно ниво демонстрираа зрелост и натпреварувачки квалитет. Вкупниот биланс од 19 медали е доказ за сериозната и стручна работа во клубот, како и за посветеноста на тренерскиот тим.
Од локалната самоуправа најавуваат дека поддршката за младите спортисти ќе продолжи и во иднина, со цел создавање уште подобри услови за тренинг и нови успеси на национална и меѓународна сцена.
Дебито на Феникс Некст Левел Росоман ќе остане запаметено како силна најава дека во Росоман расте нова генерација шампиони.
