Одбојкарките на ОК Наковски Волеј остварија победа од 3:1 во сетови (25:20, 21:25, 25:21, 25:14) против ОК Струмица Жени во градското дерби со кое беше отворено претпоследното, 17. коло од регуларниот дел на сезоната во Првата лига во женска конкуренција.
Лидерот на табелата Наковски Волеј успеа да ја оправда фаворитската улога, но натпреварот не беше воопшто лесен, бидејќи одбојкарките на Струмица Жени пружија силен отпор и во текот на мечот се потрудија да го направат дуелот што поинтересен и неизвесен.
Првиот сет му припадна на Наковски Волеј со 25:20, но домашниот состав возврати во вториот сет и со 25:21 израмни на 1:1. Во продолжението фаворитот повторно ја презеде иницијативата, па со 25:21 во третиот и убедливи 25:14 во четвртиот сет стигна до победа од 3:1.
Со овој триумф Наковски Волеј продолжува со одличните резултати во шампионатот, додека останатите натпревари од 17. коло во Првата лига во женска конкуренција се играат во сабота.
