Непоразениот лидер во Трета лига – Исток, Победа од Валандово денес со убедливи 1:5 го декласираше тимот на Брегалница од Делчево на пријателски меч од контролен карактер пред стартот на пролетниот дел.
Натпревар на кој уште еднаш се потврди одличната форма на тимот од Валандово кој сака да го сочува првото место и со тоа да го обезбеди баражот за влез во Втората македонска фудбалска лига.
„Одлична игра, сериозен пристап – тимот покажа дека е на вистинскиот пат пред стартот на сезоната“, велат од валандовскиот третолигаш.
Победа како и во летните, така и во зимските подготовки најпрва започна со подготовки во однос на останатите третолигаши и одигра најмногу пријателски натпревари за проверка на формата.
