Без воопшто било каков проблем Младост како „брз шлепер“ ја помина Македонија ЃП и стигна до 15 победи од толку натпревари, откако вечерва резултат во Богданци беше 37:28, во рамки на 17. коло на Првата лига.
Гостинот имаше сили да парира некаде до 19. минута од мечот, кога тимот на Горан Андоновски се одлепи и започна да гради резултатска предност. На полувреме беше 19:16 за непоразениот лидер.
Во вториот дел предноста постојано се зголемуваше и стигна до конечни 37:28.
Даниел Андоновски со осум погодоци беше прво име кај Младост, а по шест гола постигнаа Зоран Стојановски и Никола Димитров.
Овче Поле очекувано славеше над Кичево во „Билјанини Извори“ во Охрид со резултат од 23:29. За домашниот тим Благој Христовски беше прво име со осум гола, а кај тимот од Свети Николе Иван Димчевски се истакна со девет гола.
Мулти Есенс беше проблеми го декласираше Аеродром во гости со 32:44, па со тоа тимот од Автокоманда продолжува да го следи чекорот на непоразениот лидер од Богданци и извесно е дека нивниот меѓусебен дуел ќе решава за првата позиицја.
Никола Иванов со шест гола беше прво име кај Аеродром, а кај Мулти Есен со по 14 гола најдобри беа Немања Џигеровски и Јулијан Матевски.
Драмата во Штип ја доби Текстилец кој славеше со тесни 34:33 над Партизан од Гевгелија. Прво добро полувреме за домашниот, а второто му припадна за гостинот, но сепак на крај загуби со гол разлика.
Филип Џинес очекувано најдобар стрелец кај домаќинот со девет гола, кај гостинот, исто така со девет гола се истакна Стојан Наумовски.
