Градскиот стадион во Радовиш ќе има подобри услови за следење на натпревари, откако на истиот како што ексклузивно дознава Спортска Мрежа ќе бидат монтирани 1.000 сини столчиња, како донација од Фудбалската федерација на Македонија.
Условите на Градскиот стадион во Радовиш продолжуваат да се подобруваат, а со монтажата на столчињата гледачите ќе имаат пристојни услови за следење на натпреварите.
Управниот одбор на ФФМ, како што претходно информираше Спортска Мрежа донесе одлука за набавка на 15.000 до 20.000 нови столчиња за стадионите низ државата.
Распределбата на столчињата ќе се врши согласно препораките на Општинските фудбалски сојузи и Управниот одбор на ФФМ, а ќе ги опфати клубовите од Првата, Втората и Третата Македонска фудбалска лига каде што се исполнети условите за нивна монтажа.
Градскиот стадион во Радовиш претходно доби нови кабините за резервните играчи и за делегатот, а притоа, на овој стадион после повеќе од 30 години се одиграа два натпревари на младинските репрезентации, Македонија до 17 години одигра пријателски меч со Кипар, а пак Македонија до 19 години играше со Босна и Херцеговина.
