Фудбалскиот клуб Работнички продолжува со кадровско екипирање во пресрет на продолжението од сезоната во Првата македонска фудбалска лига, во која клубот од Дебар Маало го очекува жестока борба за опстанок.
Нов член на „романтичарите“ е 25-годишниот Џастин Крантове, дефанзивец кој ќе ја зајакне централната линија на одбраната. Крантове пристигнува од словачкиот клуб Тренчин, а во кариерата има настапувано во повеќе европски првенства, меѓу кои Холандија, Англија, Кипар и Словачка.
Клубот веќе официјално го претстави новото засилување, од кое се очекува стабилност и цврстина во дефанзивната линија во продолжението од шампионатот. Крантове ќе конкурира за место во тимот заедно со искусните Егзон Белица и Никола Пејовиќ.
Работнички вториот дел од сезоната ќе го отвори со натпревар против Пелистер, закажан за 12 февруари, дуел кој може да биде исклучително важен во битката за прволигашки статус.
