Женскиот ракометен клуб Чаир продолжува решително да го засилува ростерот пред клучниот дел од сезоната во Супер женската лига, испраќајќи силна порака дека амбициите одат највисоко – кон шампионската титула.
Најново име во составот на тимот предводен од Басри Љатифи е кружниот напаѓач Ана Георгиевска, која е кадетска и младинска репрезентативка на Македонија. Таа во Чаир пристигнува од редовите на Металург Автокоманда, каде што стекна значајно искуство и се наметна како една од перспективните ракометарки на својата позиција.
Со ова засилување, Чаир дополнително ја зацврстува конкуренцијата во тимот и ја подигнува борбеноста пред пролетниот дел од сезоната, кој најавува исклучително возбудлива трка за врвот. Чаир моментално се наоѓа на третата позиција со 23 бодови, само еден бод помалку од лидерот Ѓорче Петров, што јасно говори колку ќе биде неизвесна и драматична завршницата на шампионатот.
Повеќе од јасно е дека за титулата ќе се борат Ѓорче Петров и Чаир.
