Второлигашот Охрид се засили со Давид Матески, кој доаѓа на позајмица од прволигашот Силекс во битката за влез на „рибарите“ во Првата македонска фудбалска лига, дознава ексклузивно Спортска Мрежа, а клубот ќе го промовира во текот на денешниот ден.
Матески игра како десно крило, а може и како лево крило, а 19-годишникот се враќа во редовите на Охрид и ќе биде голем адут за младиот стратег Ромео Кочоски.
Талентираниот фудбалер кој кариерата ја започна во Евро Фудбал од Охрид, беше дел и од Фер Плеј од Охрид, а потоа премина во редовите на второлигашот Охрид. Потоа младиот охриѓанец направи трансфер во Силекс, во февруари 2024 година, настапуваше и за некогашниот охридски прволигаш Воска Спорт во период од февруари 2025 до јуни 2025 година, односно шест месеци, по што се врати во Силекс.
„Рибарите“ презимуваат на првото место во Втора лига и целат кон враќање во елитата, а пролетниот дел го отвараат против Беласица во Струмица, во дерби на колото.
