Охрид денес ќе игра за трофеј на турнирот „Вук Рогановиќ“

Македонскиот суперлигаш Охрид вчера забележа победа над Динамо Панчево со убедливи 27:20 во полуфиналето и така стигна до влез во големото финале на 5. издание на турнирот „Вук Рогановиќ“, кој се игра во Белград.

Во големото финале Охрид вечерва од 17 часот ќе игра против Тримо Требње, а пак во дуелот за трето место од 15 часот ќе се соочат Партизан и Динамо Панчево.

Охрид зимските подготовки ги одработува во Србија, каде претходно одигра пријателски меч кој го доби против Врбас.