Србија забележа голема победа над Германија со 30:27, триумф кој многу веројатно може да ја однесе српската репрезентација во следната фаза на Европското првенство 2026.
По натпреварот, селекторот на Србија, Раул Гонзалес, го изнесе своето видување за дуелот со Германија, но и за она што ја очекува неговата селекција во последниот натпревар од групната фаза против Австрија.
„На почетокот не тргнавме добро, погрешивме многу пати, тогаш бевме нервозни. Во вториот дел против Германија одигравме многу подобро, одбраната беше подобра, како и нападот. Сега имаме два бода, но треба да се фокусираме на следниот натпревар против Австрија. Сите мислат дека треба победа, но не е така, треба да играме до крај, да го дадеме најдоброто од нас и да стигнеме до триумф. Јас сум многу задоволен како одигравме против Германија, нема многу време за одмор, фокусот е на Австрија, тоа е репрезентација која исто така има добро играчи кои играат во германската лига, играат на ниво и ќе биде навистина тешко“, додава селекторот на Србија, Раул Гонзалес.
Во последното коло од групната фаза Србија ќе се соочи со Австрија, додека Германија ќе игра против фаворитот Шпанија. Што се однесува до комбинациите, Србија со било каква победа ќе обезбеди пласман во следната фаза, додека Германија ќе мора да слави со најмалку три гола разлика против Шпанија за да обезбеди место меѓу дванаесетте најдобри, задача која ќе биде исклучително тешка.
