Турнирот во мал фудбал „Стојаково 2025“ понуди многу возбудувања и кај јуниорите од генерацијата 2012/2013, каде младите фудбалери покажаа голема желба, борбеност и талент.
Во малото финале, екипите на Mild Home Store и Уни Глобал одиграа неизвесен натпревар кој заврши без победник во регуларниот дел (2:2).
Победникот беше одлучен по изведување на пенали, каде Mild Home Store беше посмирен и славеше со 2:1, освојувајќи го третото место.
Во големото финале, тимот на Цокер Фурка одигра одличен натпревар и со убедливи 5:1 ја совлада екипата на У10 – Гевгелија, заслужено освојувајќи го шампионскиот пехар во оваа генерација.
Финалните натпревари кај јуниорите донесоа спортско другарување, радост и аплаузи од трибините, а младите фудбалски надежи уште еднаш покажаа дека иднината на фудбалот е светла.
Спортска Мрежа по првпат медиумски го поддржува турнирот во мал фудбал „Стојаково 2025“.
