Второлигашот Шкендија Арачиново го претстави своето трето зимско засилување, се работи за Махир Ајрули кој во тимот на Љупчо Марковски – Калц доаѓа од редовите на Каменица Саса.
Ајрули ќе биде освежување на крилните позиции и се очекува да бид одлично засилување во офанзивата.
22-годишниот Ајрули низ својата кариера покрај за Каменица Саса има настапувано и за Арсими, Велазерими од Кичево, Работнички и Шкупи.
Претходно, Шкендија од Арачиново се засили со голманот Антонио Столевски и голгетерот Владимир Жоглев.
