В недела екипата на Могила на домашен терен ќе игра дерби меч со лидерот Влазними од Струга – ова е одложениот меч од седмото коло, кој требаше претходно да биде одигран.
Во таборот на Могила владее позитивна енергија и желба за надигрување со струшкиот тим, а домаќинот сака три бодови.
Капитенот на Могила, Антонио Спировски го најавува мечот со Влазними кој се игра в недела од 13 часот.
„Почнавме пред две и пол години од најниската македонска лига – Б лигата на ОФС Битола. Таму бевме шампиони и финалисти во Купот. Следната сезона повторно шампиони во А лигата и повторно финалисти, со што заслужено се пласиравме во Трета лига – Југозапад. Уште тогаш, сите што ме познаваат ме советуваа дека моето место е најмалку во Втора лига. А јас секогаш категорично одговарав – Втора лига ќе ја донесам тука, во Могила! На многумина им изгледаше нереално. Но јас успеав да ги убедам моите соиграчи дека не само моето, туку нашето место е во Втора лига. Денес сме на чекор до сонот и верувајте ми, нема да застанеме тука“, истакна нашиот капитен Спировски.
