По десет одиграни кола во Првата ракометна лига екипата на Младост од Богданци е на врвот од табелата со максимални 18 бодови и девет од девет – непоразен лидер кој игра фантастичен ракомет и цели кон шампионска титула и влез во Суперлигата.
Најблиску до лидерот е Мулти Есенс, кој дефинитивно е главниот конкурент на Младост со 16 бодови учинок од осум победи и само еден пораз токму од Младост.
Вардар Неготино е трет со 14 бодови, а толку има и Драчево Јуниор кој е четврти, додека пак Јехона, Македонија ЃП и Текстилец со по десет бодови го делат петтото место.
Аеродром и Овче Поле го делат осмото место со по осум бодови, Партизан е десетти со седум бодови и веднаш пресек каде Преспа е на 11-тото место со два бодови, а толку има и Шампион кој е претпоследен, а на дното е Кичево со минус еден бод.
Најдобар стрелец е Адис Салиу од Јехона со 82 погодоци, а пак Текстилец има два ракометари кои се на второто односно третото место на листата на најдобри стрелци – се работи за Јован Атанасовски кој има 75 гола и Филип Џинес кој има 73 гола, а толку има и Даниел Андоновски, ракометарот на Младост кој сигурно е дека во следните кола ќе избие на челната позиција.
