Ракометниот клуб Прилеп доби значајно засилување во пресрет на продолжението од сезоната – левиот бек Никола Цветаноски се враќа во редовите на прилепчани по кратката авантура во Словенија.
Поранешниот ракометар на Струга, Вардар Јуниор и Голден Арт летово замина во словенечкиот второлигаш Ајдовшчина, каде што имаше солидни настапи, но сепак реши повторно да заигра во домашниот шампионат.
Цветаноски во Прилеп остави длабока трага во претходните сезони, а неговото враќање ќе му донесе дополнителна стабилност на составот на Наум Танески во борбата за пласман во плеј-оф фазата на македонската Суперлига.
Прилеп по осум одиграни кола се наоѓа во средината на табелата, но со ова засилување добива искуство и ударна моќ која може да биде клучна во продолжението на сезоната.
